Velkommen til gudstenestefeiring i kyrkjene i Askvoll no i advents- og juletida.
Pga. restriksjonar er det no tillete med inntil maksimalt 50 deltakarar i kyrkjene.
For dei aller fleste kyrkjene i Sunnfjord vil vi no frå denne helga opne for digital påmelding via kyrkjelydane sine heimesider. Ein kan melde på seg sjølv og eventuelle husstandsmedlemmer, som altså er del av same kohort. Ein slepp då å oppgje namn og telefonnummer ved ankomst til kyrkja, og ein kan sjå at det er plass allereide når ein melder seg på.
Når vi ser på plassering av påmeldte grupper, kan avstandskravet medføre at maks-talet på 50 dessverre må senkast i etterkant av påmeldinga.
Dei sist påmeldte vil då bli kontakta om dette.
Det vil og vere mogleg å ringe kyrkjekontoret og melde seg på, og personalet på kontoret fyller ut nett-skjemaet.
Ein kan óg møte fram til gudsteneste utan førehandspåmelding, men då er ein ikkje garantert plass. Påmelding til kvar gudsteneste vert aktivert ei veke før gudstenestestart.
Kyrkjedørane opnar 30 minutt før gudstenesta tek til.
Har du meldt deg på, må du måte seinast 20 minutt før gudstenesta tek til. Dersom ein ikkje møter fram, går plassen til nokon som står og ventar på plass.
Hjelp gjerne kjenningar som du veit ynskjer delta, men som kanskje ikkje kjenner til moglegheiten for påmelding på nett. Pass i så fall på å starte på ny påmelding for kvar enkelt husstand du hjelper.
Vi har laga ei lita rettleiing for korleis du melder deg på. Sjå her for meir info.
Meld deg på til gudsteneste her